Salam Tabe Tundah Pahari
Aku handak umba manyanyi
Nyanyi Karungut budaya Seni
Ayuh itah umba malastari
Hetuh aku handak nyarita
Kesah je auh jadi merdeka
Padahal are kesah je nyata
Je dia tame hung akal jiwa
Miris hung atei, tege berita
Anak tabela, tame panjara
Gawi mahapa manjual narkoba
Mahadep Polisi, kilau jatun sala
Jete je auh itah merdeka
Tabela jatun peduli kia
Dia manduhup membangun bangsa
Malah bagawi luar Indonesia
Kekerasan merajalela
Peristiwa berbau Sara
Padahal auh jadi merdeka
Harus manggatang utus Indonesia
Peteh Bahalap akan Tabela
Ayuh Umba Partisipasi Kea
Umba teladan Pahlawan Bangsa
Mangat Indonesia Tutu Merdeka
Ela laya je, ngaju ngawa
Dinun manfaat, akan ketun kea
Aktif kreatif, tuh je bakena
Bawi Hatue, Harapan Bangsa
Tege peteh pahlawan Bangsa
Auh Proklamator Sukarno Hatta
Merdeka Itah Nah Seutuhnya
Beken inenga Penjajah Belanda
Tikas Tuh Helu aku nyarita
Balaku ampun barata rata
Amun kesahkuh tuh are sala
Bingat itah jadi Merdeka
Tidak ada komentar:
Posting Komentar