IJE ATEI KALIMANTAN TENGAH

Assalaamualaikum Wr Wb. Tabe Salamat Lingu Nalatai Salam Sujud Karendem Malempang. Adil Katalino Bacuramin Ka Saruga Basengat Ka Djubata. Arus !! Olololololoooo Kiuw. 

Sahindai aku bakutak kesah, ela tatawe lah ketun dengan logat kutuh pahari. Tapi tasarah ketun ih. Aku dia payah kea hehe. 

Nah, jadi arangkuh Puspo Pristiwantoro. Aku melai hung Barito Utara. Aku jadi lime belas nyelo bagawi hong hetuh. Tege je handak ingesah kuh akan ketun kawal pahari je tundah kula bakas tabela. Mudah mudahan kesah ku tuh tau manenga semangat akan itah samandiai.

Kalimantan Tengah tuh dia baya, ije suku bewei je melai. Tege Suku Dayak kilau Dayak Ngaju, Bakumpai, Maanyan, Kahayan, Siang, Punan, Kotawaringin dan je beken beken kea rima. Beken tinai bara jete, tege kea suku Jawa, Bugis, Kupang dan je beken. Budaya je tege tumbu melai Kalimantan Tengah tuh Budaya Pesisir tuntang Pedalaman. Tatau Tutu Budaya itah Kalimantan Tengah toh. 

Jete je mawi aku bangga dengan Kalimantan Tengah. Jatun taluh papa je hiningkuh atawa huru hara koan uluh nah. 

Dia katawan agama te Islam Kristen Kaharingan Budha Hindu Konghucu, uras haimbing lenge mampaije atei mamangun Kalimantan Tengah, bara Gintau Sambil, Likut, Sampai Baun. Pembangunan bara kota ka lewu, je mawi Kalimantan Tengah semakin sejahtera. 

Pahari Samandiai, Bakas Tabela, Itah bingat tanggal 11 Juni 2011, melai Tugu Sukarno Palangka Raya. Tege peristiwa ji luar biasa. Yete Kalimantan Tengah, mandeklarasikan jadi Bumi Pancasila.

Bahandang Baputi, warna bandera Indonesia. Bahandang tutu dahakuh, je arti ah bahanyi. Baputi warna tulangkuh, je arti ah suci.

Kalimantan Tengah, Falsafah Huma Betang, Bumi Tambun Bungai, manduan makna beken beken tetapi tatap ije kea, Isen Mulang, Pantang Mundur.

Nuansa Bhineka Tunggal Ika Je Are Perbedaan namun Kalimantan Tengah tatap taguh belum, masyarakat Kalteng tuh tau handep hapakat dan hadadohop ije sama beken. Dia nampayah bara kueh asal muasal adat dengan suku ah.

Nah kawal pahari, hung Salam Itah Je "TABE SALAMAT LINGU NALATAI SALAM SUJUD KARENDEM MALEMPANG" tege makna bahwa Dayak Kalimantan Tengah sangat rendah atei bajenta bajorah. Menerima eweh oloh je dumah. Namun tatap kukuh manjaga bara pertentangan SARA. 

Kanampi pahari, bangga kea kah ketun dengan Kalimantan Tengah? Peteh kuh, Ketun je bawi hatue bakas tabela Kalimantan Tengah, ela dia bingat dengan Budaya Dayak, ela dia bingat dengan Bumi Pancasila jetuh. 

Aku manampayah kesah isut, tege bukti bahwa aku sangat sinta Kalimantan Tengah. Lepah aku manduan selempang Runner Up Jagau Pariwisata Kalteng 2009 (Due Ribu Jalatien), wayah jete nah aku manampayah kasanian Dongkoi. Aku manduan kategori Putra Berbakat. Bukti aku sinta dengan Budaya Kalteng, aku tuh hanjak tutu, mancipta lagu daerah, manampayah karungut. Aku puji kea ka lewu lewu, sampai akhirnya aku mimbit Lagu Daerah ka Lomba hung International Choir Festival 2018 (Due Ribu Hanya Belas) dengan 2019 (Due Ribu Jalatian Belas) male, manduan medali emas akan Kalteng. 

Bangga tutu angat ah, tau mimbit lagu Dayak Kalteng hong festival je kute. Lagu je nampayah ikei yete kilau Tabe Salamat, Mamangun Mahaga Lewu, Si Juwei, Huma Betang, Lebukuh. Buhen ? Karena Kalimantan Tengah jadi bagian hong belumkuh kilau paribasa jadi ije atei. 

Ayuh kawal tabela uras, bangga itah mahapa lawung, sangkarut. Itah harus puji dan sanang mahining  lagu dongkoi karungut. Itah mahapan batik Kalteng balanga, batang garing, saluang murik, tambun tingang. Itah sama Manggatang, Itah sama mampalampang utus dayak Kalimantan Tengah. Jaga persatuan dan kesatuan. 

Jetuh kesah je tau inyarita. Balaku ampun barata rata amun are sala. Aku balajar bahasa dayak tuh mula je tau baya baya. Petehkuh, Jaga dan tatap itah Kalimantan Tengah Jaya. Salam Persatuan, Salam Kemerdekaan, Salam Isen Mulang.

Wassalaamualaikum wrwb